Hoxe non temos o corpo para moitas cousas, coma todos os luns. Gustaríanos compartir con todos vos un artigo, sesudo e profundo, sobre as consecuencias para a política internacional do referendo de Crimea, ou sobre a noxentos artigos de opinión que, semana sí semana tamén, publica El País sobre América Latina.Pero non temos gañas nin corpo para tanta festa. Será por iso de estar en Cuaresma. E coma sabemos que moitos dos nosos avezados lectores tamén sofren os excesos dos luns nos seus corpos, nada mellor que compartir convosco a lista de reproducción que estamos a escoitar nós agora mesmo e que, se cadra, pode axudarvos a "pasar" mellor o luns.

Entre as moitas cousas que o Goberno de España roubou aos seus cidadáns unha foi a música na educación primaria. Por se non o sabiades, a nova Lei de Educación (Lomce) elimina a Música como materia troncal da educación primaria.

Sempre fomos máis de mollarnos baixo os chaparróns que de tratar de evitalos. Nunca gustamos de andar con paraugas e, aínda que preferimos camiñar baixo os soportais, ás veces non atopamos un lugar no que resgardarnos e, inevitablemente, acabamos empapados