Despois dunha exposición prolongada as series policíacas como a que a maioría de nós sufrimos a través dos raios catódicos, a estas alturas xa todos sabemos que a antropoloxía forense leva tempo buscando o "sinal" do crime, aquela marca que identifique aos asasinos e que permita á sociedade descubrir aos criminais en potencia, antes de que comecen a súa andaina criminal. Despois de convivir durante anos coa figura do psicópata no cine, na tele, nos libros,...é natural pensar: coñecemos a algún psicópata? Non digades que non o pensáchedes algunha vez do veciño do baixo, esa amiga da túa moza ou o primo de Logroño do teu colega...A todos pasounos pola cabeza máis dunha vez (alomenos a nós)...Pois en Xornal Aberto, preocupados sempre polas necesidades dos nosos avezados lectores, imos proporcionarvos a ferramenta definitiva para descubrir psicópatas: o test de Robert Hare. Un conxunto de 20 preguntas que, cun pouco de disimulo e tacto, poderemos facerlle a ese veciño que mira "raro" no ascensor...
Esta é a Escala da Avaliación da Psicopatía de Hare.

Antes de nada aclarar que este post nada ten que ver co tenis. É simplemente un aviso a navegantes. Mañá comenzamos o noso periplo de regreso a Galiza para pasar o Nadal coa familia e amigos. Estaremos un par de días en Glasgow e o luns, se todo vai ben, chegaremos pola noitiña a casa.

Por este motivo ata o vindeiro 2 de xaneiro, no que regresaremos a terras escocesas, non publicaremos nada no blog. Manteremos a actividade no Twitter e no Facebook pero non publicaremos novos contidos no blog.

Un saúdo a todos e Bo Nadal e feliz comezo de ano!