Nestes últimos meses houbo moitos cambios na vida dos nosos redactores e, froito destes cambios no persoal, haberá cambios tamén no blog. Levábamos tempo sen unha dirección clara, alonxados xa do que foi este blog cando naceu, pero sen saber cara onde tirar. Agora xa o sabemos.

Neste mes iredes vendo cambios no blog, pero non so estéticos. A partires do 1 de agosto, o blog actualizarase todos os venres e, aínda que seguiremos falando de actualidade, o faremos dende outro punto de vista: o da emigración, perdón, da "movilidade exterior". Si amigos, coma moitos outros, e guiados polo sempiterno "espíritu aventureiro" propio da mozidade galega e española, e non pola situación do país (faltaría máis) decidimos marchar para o extranxeiro a buscar a vidiña, e a redacción de Xornal Aberto trasladase connosco. 

O primeiro destino vai ser Escocia e, dende ese país, trataremos de que Xornal Aberto floreza de novo co aire do Mar do Norte. O dito, nova andaina, novo proxecto pero mesmo obxectivo: un xeito diferente de ver as noticias, agora dende a emigración.