A entrevista que hoxe lle fixo a xornalista Ana Pastor, no programa Los Desayunos de TVE, ao presidente da República Islámica de Irán, Mahmud Ahmadineyad, é unha destas cousas que, por pouco comúns, resultan estranas no actual panorama televisivo nacional. Non vou a opinar sobre o que dixo Ahmadineyad na entrevista nin nada polo estilo. Simplemente, seguindo unhas das máximas de Xornal Aberto, vou a pedir que a vexades. Xa sabedes que son partidario de escoitar a todas as partes antes de conformar unha opinión. Tamén sabedes que moitas veces teño criticado, e o seguirei a facer, que nos medios de comunicación cos que contamos en España só podemos escoitar, en moitos casos, unha soa versión dos feitos obviando, en demasiados casos, o que ten que decir a outra parte impricada na "noticia" [Cuba, ETA, etc]. Por iso están moi ben apostas como a feita por RTVE esta mesma mañán. Poder escoitar a versión das cousas que ten Admadineyad, as compartamos ou non, axudaranos a ter unha opinión moito máis fundada e precisa sobre temas dos que, moitas veces, damos moitas cousas por supostas.

Parabéns.