En Galiza hai un refrán moi bonito que di así: Ao que non quere caldo, dúas cuncas. Miña nai o dicía moito cando eu era rapaz e foi unha desas cousas que se che quedan gravadas como a lume no teu interior. Hoxe lendo a Coz de Galicia, perdón, a Voz de Galicia atopei unha información desas que cando as les imaxínaste ao xornalista dicindolle ao xefe entre risas: Mira o que acabo de atopar en EFE, o publicamos? e ao xefe dicindo, adiante! Resulta que un profesor malasio castigou a un alumno seu a fumar 42 pitillos en dúas horas. Parece ser que o rapaz tiña 16 anos e era o alumno favorito do mestre (menos mal que non lle tiña tirria). Como imaxinaredes o rapaz chegou a ter que fumar ata catro pitos á vez e, todo isto, ante a mirada doutros alumnos e doutros mestres.

PD: A foto a saquei do blog fotos e imagens de Portugal.