Hai tempo vin unha película titulada "Cousas que facer en Denver cando esteas morto" que, inda que non era nada do outro mundo, deixome unha fonda impresión. O filme estaba protagonizado por Andy García e nel un grupo de cinco "maleantes" se xuntaban para organizar un "tinglao" que, ao sair mal, traía como consecuencia a sentencia a morte de todos eles por parte dun mafioso local. Como os dicía, a película non era nada do outro mundo pero tiña unha frase que, todo o que a vira, recordará con precisión: Copas de iate. Así era como lle chamaban os cinco "tunantes" á felicidade plena. Para eles a meior situación posible na que se podía estar, digamos o paraíso, era tomar copas todos xuntos na cuberta dun bo veleiro. Hoxe, lendo o ABC, véuseme a cachola esa expresión.

Resulta que o ABC publica hoxe unha fotografía do vivepresidente da Xunta de Galicia, o nacionalista Anxo Quintana, departindo amigablemente co empresario galego Xacinto Rey na cuberta do iate que este último amarra en Sanxenxo dende hai tempo. A foto, segundo o xornal ABC, é do pasado verán e nela podemos ver ao vicepresidente e ao empresario vestidiños de branco ao máis puro estilo de Don Jonhson en "Corrupción en Miami". Nin que decir ten que, postos a conspirar, podemos dicir que o señor Xacinto Rey é o responsable da creación do Xornal de Galicia, un xornal que saíu á rúa no pasado mes de decembro e que, dun xeito ou outro, dalle cobertura mediática propia ao BNG. Tamén podemos dicir, postos a conspirar, que este empresario foi un dos grandes beneficiados do cacarexado concurso eólico celebrado en Galiza recentemente e que, como todos sabemos, estivo dirixido pola Consellería de Industria.