Despois de 15 anos sen debate televisivo entre os máximos aspirantes a ocupar o posto de presindente do goberno de España, hoxe terá lugar, con sinal en aberto, o tan ansiado encontro entre Madiano y ZP. En principio, as principais radios do Estado e moitas das cadeas de televisión nacionais ofrecerán a sinal deste evento televisivo, que tamén poderá seguirse de xeito amplo en internet. As cadeas Telecinco e Antena 3, nunha aposta polo menos cuestionable, decidiron non emitir o debate aínda que si ofrecerán distintos programas, ao remate do mesmo, de análise do mesmo. Ante tantas opcións será difícil escoller en que cadea seguir o mesmo e, sobre todo, en que medio seguir o posterior debate. Dende Xornal Aberto, sempre atentos a buscar a máis ampla variedade de opinións, propoñemos unha fórmula: ver o debate en Cuatro , co gran Iñaki, e, posteriomente, seguir a análise que fagan en popular televisión (os que a pillen) ou, senón en libertad digital , un medio que contará entre os seus contertulios con persoeiros do "nível" de Cesar Vidal ou Federico Jiménez Losantos (casi nada al aparato). Por certo, o do titular non é coña, non sei por que será (que dicía a Bombi) pero só hai debates cando hai sociatas en Moncloa. Espero que, de unha vez por todas, esto se regule de xeito oficial xa que, aínda que a min case que tanto me da o un como o outro (case), creo que é bo dende o punto de vista democrático que haxa este debate. Veremos quen gaña esta noite e tamén se era tan importante a elección do moderador, xa que eu creo que pouco ou nada inflúe un moderador nun debate tan pactado como este.
Publicar un comentario