6 de febreiro de 2007
Leo en diversos medios de comunicación que un lesionado Touriño estivo de visita por Moncloa. A reunión, independentemente do que digan os seus protagonistas, resúmese nunha soa pregunta: Que hai do meu? O encontro entre ambos durou dúas horas e, se atendemos á nota de prensa proporcionada polo gabinete de prensa da Xunta de Galiza, as cousas non puideron ir mellor xa que o presidente do Xunta, o señor Touriño, recibíu do presidente do Goberno, o señor Zapatero, o "compromiso inequívoco do Goberno Central con Galiza". Este compromiso tradúcese, segundo dixo Touriño, na posterior rolda de prensa, en que "Galiza pode ter a confianza certa” de que “nun horizonte razoable, de cinco ou seis anos”, a rede de cidades “terá un tren de alta velocidade” que a conectará ao conxunto do Estado. O sexa, que no 2013 as cidades galegas estarán conectadas coa meseta polo AVE. Non sei que dicir pero a min paréceme que esto de que en "x" anos teremos AVE xa o escoitei algunha que outra vez. Lémbrome perfectamente de cando gobernaba Fraga e, xusto cando faltaban un par de meses para unhas eleccións, os ministros e o propio presidente pasaban por Madrid a recoller compromisos con Galiza que logo quedaban en nada en canto pasaban as eleccións.Postos a falar do ben que fora a reunión e, xa metidos en fariña, "Smallbull" afirmou e comprometeuse a que “Vigo estará conectada en alta velocidade con Madrid a través dunha conexión directa”. “Xustamente con este Goberno este compromiso é pleno e é unha realidade”, asegurou, posto que se trata dunha infraestrutura que está comprometida “nun plan de país”, o Plan Estratéxico de Infraestruturas e Transportes (PEIT). Pérez Touriño asegurou que se trata dunha conexión de alta velocidade coa que Rodríguez Zapatero está comprometido e que considera “estratéxica”.
Pero Touriño sacoulle moito máis ao xefe, ou eso dixo. Concretamente un compromiso sobre a inefable Cidade da Cultura. Sobre este punto, Touriño afirmou que na xuntanza de hoxe, Emilio Pérez Touriño tamén obtivo do presidente do Goberno o compromiso de converter á Cidade da Cultura en “proxecto de Estado”. “A Cidade da Cultura pasa a ser un proxecto de Estado”, remarcou Touriño ante os xornalistas, “porque queremos e acordamos que a Cidade da Cultura xogue un papel de enlace cultural entre Europa e España con Iberoamérica”.
Deste xeito, “o Estado toma participación implicándose” nun proxecto que, pola súa situación, “ten todo un potencial de posibilidades extraordinario nesta función” e en particular, en áreas como a industria do cine ou as letras “nos que pensamos que é posible un amplo desenvolvemento”. Pobre ZP, no sabe onde se mete!!
gran reflexión si señor¡¡¡¡os políticos acaban parecendose todos mais que dous vasos de leite