18 de setembro de 2006
No día de onte, o PPdG fixo algo que, dende que teño dereito a voto, nunca lle vira facer: organizar unha manifestación e sair á rúa a protestar. Como non podía ser doutro xeito, a manifa estivo moi ben montada e foi un éxito de participación superando, con claridade, a organizada hai algunhas semanas pola plataforma Nunca Máis. Os autobuses chegaron a Santiago dende todos os concellos gobernados polo PP, cos seus alcaldes á cabeza, e os máximos representantes autonómicos e nacionais acudiron á cita. Mariano Rajoy, Aberto Núñez Feijoó, Alfonso Rueda, Xosé Luis Baltar ...todos estaban na manifestación. ¿Todos? Manuel Fraga, presidente da Xunta durante os últimos 16 anos e líder indiscutible do PPdG nestes tempo, non estaba na manifestación. ¿Alguén me pode dicir por qué?O PPdG demostrou de novo a capacidade de movilización do seu electorado e, independentemente de situacións tan clamorosas como o Faraldazo da pasada semana, salíu á rúa para esixir demisións e pedir responsabilidades políticas. A verdade é que hai que ter moito "aplomo" para pedir responsabilidades políticas despois de terlle recomendado aos alcaldes do teu partido que "dilatasen" a sinatura dos convenios de colaboración coa Xunta de Galiza para a constitución das brigadas contraincendios. Por certo, ¿alguén sabe se a Faraldo acudíu á manifa?
O goberno galego, pola súa parte, criticou que o PPdG convocase esta manifestación como parte da estratexia nacional do PP de desgastar ao goberno e insistiu en que o PPdG tomase asento nas institucións para defender os seus intereses. Anxo Quintana, en concreto, asegurou que o Goberno galego tomará nota das demandas dos manifestantes e resaltou que el nunca dirá, como en su día fixeron dirixentes do PP, que os das manifestacións de Nunca Máis eran «cans que labraban rencor polas esquinas».
FRAGA ESTÁ CRIONIZADO Y NO PUEDE ANDAR DE MANIFAS AUNQUE LA CALLE FUESE SUYA