28 de agosto de 2006
Agora que parece que a cousa cálmase un chisco en Galiza, despois de días moi axitados, apare en Xornalaberto unha nova que, no seu momento, non foi tratada e que merece moita tinta: Telmo Martín, o alcalde da Marbella galega, é o candidato do PP á alcaldía de Pontevedra. Dono en solitario da empresa Hierros Santa Cruz e socio de Construcuatro, unha empresa que opera tamén en Pontevedra, este persoaxe ten unha carreira política moi interesante. Meaño, onde non conseguíu acta, Sanxenxo, onde logrou ser alcalde e, agora, Pontevedra, son as escalas deste político paracaidista que, máis que a alcaldía de Pontevedra (moi difícil de conseguir), pode ser que estea buscando un posto de relevancia na Deputación Provincial que lle permita maniobrar con máis facilidade no difícil mundo da construcción, e máis sen un goberno "amigo" na Xunta. (Por certo que gran foto a que ilustra esta nova).A pregunta que me fago, por outro lado, é qué tal lle sentaría ao PP de Pontevedra a imposición, por parte de Nuñez Feijoo, dun candidato de fora da cidade. Unha cidade, por outra banda, na que naceron tanto Mariano Rajoy, como o actual secretario xeral do PPdG, Alfonso Rueda, e que parece que non ten, dentro do PP, a ninguén capacitado para ser alcalde. En principio, parece que xente como Rivas Fontán reaccionará coa creación dunha lista independente, aínda que parece que as reacción non quedarán só niso e pode haber máis sorpresas.
Por outra banda, ¿cómo reaccionará a cidadanía pontevedresa ante o feito de que o PP presente como candidato a alcalde a un home que non é da cidade nen reside nela e que, ademáis, está plenamente vencellado ao mundo da construcción? A resposta en Maio deste ano.
Por certo, se o "Mirlo Branco" que vai acabar coa hexemonía de Lores en Pontevedra, non consegue ser alcalde ¿vai a estar 4 anos en Pontevedra facendo oposición ou marchará ao cabo de dous con calquera excusa barata?
Publicar un comentario