Amosando publicacións coa etiqueta curioso. Amosar todas as publicacións
Esperando polo post bo
Seica levamos xa un lote de tempo sen subir nada ao blog -algo así como 4 meses-. A verdade é que, fundamentalmente, é unha cuestión de pereza pero, se queredes, podemos atoparlle unha explicación diferente e dicir que trátase dun periodo de introspección dos autores.
Hoxe escribimos nada máis para dar fe de que aínda estamos vivos é que, a semán que ven, voltearemos a subir contidos de novo. Nada bo ni especial, xa sabedes, simplemente a nosa opinión ou experiencia sobre calquera cousa que nos pase polo maxín.
Mentres esperades, a viñeta pola que saímos deste letargo introspectivo...
FESTA DA PRIMAVERA
Mañán sábado, dende primeira hora da mañán, o Barrio de San Pedro inicia a súa xa tradicional Feira da Primavera, unha feria de artesanía organizada pola Asociación de Comerciantes do Barrio que contará ademais con diferentes actividades lúdicas e culturais.A feira durará todo o día e, ademais de poder divertirse coas moitas e diversas actividades que haberá, os veciños e composteláns en xeral que se acheguen ata ela poderán desfrutar da sensación de pasear tranquilamente por esta emblématica rúa compostelá que, dende primeira hora da mañán, permanecerá cortada ao tráfico e con uso unicamente peonil.
Durante toda a xornada poderase pasear pola rúa; facer compras nos máis de 70 postos que haberá montados; comer, tapear e beber nos excelentes locais hostelerios da zona; divertirse cos amigos; desfrutar da música, etc, etc. Entre os moitos postos que haberá este ano hai que destacar o de comida uruguaya (unha novidade deste ano), o xa clásico de Como Pez en el Agua (a tenda de artesenía ubicada na propia rúa) e tamén un posto no que se poderán mercar avalorios e collares directamente traídos de terras cubanas. Tamén haberá posto de "mojitos" e moitas sorpresas que só acudindo ata o Barrio de San Pedro poderedes descubrir...Aquí os deixo un programa de actividades do día.
A TEORÍA DA CONSPIRACIÓN PORCINA
Durante estes días chegoume un correo electrónico no que se plantexaban unha serie de dúbidas sobre a orixe da "pandemia" que estes días ocupou boa parte dos medios de comunicación do mundo. É o inicio da teoría da conspiración porcina (o debuxo saqueino do blog: http://absencito.blogspot.com/) Tras ler o correo e, despois de analizalo, paso a deixarvos no blog o máis destacado do mesmo que, a verdade, dá que pensar.
O pasado 2 de abril durante a reunión d0 grupo d0 G7 integrado por EU, R. Unido, Canadá, Alemaña, Italia e Xapón acadáronse 2 conclusións fundamentais: 1) A economía mundial necesitaba un cambio e 2) O FMI. destinaría 500,000 millóns de dólares para axudar ás economías emerxentes.
Días máis tarde tivo lugar unha a reunión privada entre o presidente Obama e Felipe Calderón (o presidente de México), concretamente os días 16 e 17 de abril. Sorpresivamente, o xoves 23 de abril o presidente de México convocou unha reunión de emerxencia co seu gabinete e, pola noite, o secretario de saúde José Ángel Córdoba Villalobos anunciaba en cadea nacional a aparición do virus da influenza porcina, e as medidas inmediatas como a suspensión das clases a todos os niveis no país.
O 24 de abril o G7 afirma que a economía mundial debería poñerse en marcha este ano e que se tomarían todas as accións necesarias para que así fora. Finalmente, o luns 27 de abril a empresa farmacéutica Sanofi Aventis anuncia que “inxectará” 100 millóns de euros nunha nova planta de vacinas e que donaría 236,000 doses a México como apoio ao control da enfermidade.
Con estes datos na mán esta é a reflexión:
Dende hai máis de 2 anos a industria farmacéutica a nivel mundial tiña problemas financieiros pola baixa na venda de medicamentos. México é o perfecto trampolín para lanzar a enfermidade, xa que dende o país sairían turistas a diferentes partes do mundo. Curiosamente os países que reportan enfermos que estiveron en México, e que están reforzando de xeito contundente o seu cerco sanitario, son os países que integran o G7.
Ponte a pensar de que se estivo a falar estes días a nivel internacional, do virus ou da crise financieira? Ademais hai que pensar noutras cousas como: Se realmente é tan contagioso o virus, como e onde están as familias dos mortos? Se a influenza porcina é unha mutación do virus orixinal dos porcos, entonces o brote da infección debería comenzar no campo e non nas cidades. Por que non saíron entrevistas cos enfermos?