Publicado por : Adycto 4 de decembro de 2009

Tiña pensado escribir algo sobre o tema da liberdade en Internet e sobre os dereitos de autor (e os dereitos fundamentais) pero, visitando os blogs amigos, descubrín que en Galiza Sosego colgaran un manifesto en defensa dos dereitos fundamentais en Intenet e, como non teño nada máis que engadir ao mesmo, volo deixo eiquí para que opinedes. Dende Xornal Aberto o compartimos plenamente e pedimos a todos que o apoiedes (se estades de acordo, claro está).

MANIFESTO EN DEFENSA DOS DEREITOS FUNDAMENTAIS EN INTERNET:

"Ante a inclusión no anteproxecto de lei sobre a economía sustentábel das modificacións lexislativas que afectan o libre exercicio das liberdades de expresión, de información e o dereito de acceso á cultura a través de Internet, os xornalistas, blogueiros, usuarios, profesionais e creadores de Internet manifestamos a nosa firme oposición ao proxecto, e declaramos que ...

1 .- Os dereitos de autor non poden estar por riba dos dereitos fundamentais dos cidadáns, incluíndo o dereito á privacidade, a seguridade, a presunción de inocencia, á tutela xurisdicional efectiva e a liberdade de expresión.

2 .- A suspensión dos dereitos fundamentais é, e debe seguir sendo, unha competencia exclusiva do Poder Xudicial. Nin un peche sen unha sentenza. Este anteproxecto, ao contrario do disposto no artigo 20.5 da Constitución Española, pon en mans dun corpo non xudicial, un organismo dependente do Ministerio de Cultura español, a potestade de poder impedir o acceso dos cidadáns españois a calquera páxina web.

3 .- A nova normativa vai xerar inseguridade xurídica en todo o sector tecnolóxico estatal, perxudicando unha das poucas áreas de desenvolvemento e futuro da economía española e dos países integrantes do Estado, dificultando a creación de empresas, introducindo barreiras á libre competencia, e trabando a súa expansión internacional.

4 .- A nova lexislación proposta ameaza aos novos creadores e dificulta a creación cultural. Coa Internet e os sucesivos avances tecnolóxicos democratízase drasticamente a creación e emisión de todo tipo de contidos que xa non veñen principalmente das tradicionais industria culturais, se non de moitas fontes distintas.

5 .- Os autores, como todos os traballadores teñen dereito a vivir do seu traballo con novas ideas creativas, modelos de negocio e actividades relacionadas coas súas creacións. Tentar de soster con modificacións lexislativas unha industria anticuada que non sabe adaptarse a ese novo ambiente non é xusto nin realista. Se o seu modelo de negocio se basea no control das copias dos traballos e na Internet non é posíbel sen violar os dereitos fundamentais, terán que atopar un outro modelo.

6 .- Cremos que as industrias culturais precisan para sobrevivir de alternativas modernas, eficaces, credíveles, accesíbeis e que atendan os novos usos sociais, en vez de limitacións tan desproporcionadas coma ineficaces para o fin que afirman perseguir.

7 .- Internet debe funcionar libremente e sen interferencias políticas patrocinadas por grupos que buscan perpetuar modelos de negocio obsoletos e impedir que o coñecemento humano siga sendo libre.

8 .- Demandamos que o Goberno español asegure por lei a neutralidade da rede no Estado, ante calquera presión que poda ocorrer, como un marco para o desenvolvemento dunha economía realista e sustentábel para o futuro.

9 .- Propoñemos unha reforma real dos dereitos de propiedade intelectual co fin de: retornar á sociedade o coñecemento, impulsar o dominio público e limitar os abusos das entidades xestoras.

10 .- Nunha democracia as leis e as súas modificacións deben ser aprobadas despois do debido debate público e de ter consultadas todas as partes implicadas. É inaceptable que se fagan modificacións lexislativas que afectan ós dereitos fundamentais nunha lei non orgánica e que trata doutro tema".

5 Respostas ata o de agora.

  1. Anónimo dí:

    imaxinaxe que os arquitectos cobraran cada vez que alguén entra nos seus edificios como dereitos de autor?
    o mundo cambia, desapareceron os carros de bois por automoviles, e os bois non se queixaron tanto, que se actualicen. a sgae rouba os concellos, autonomias, estado , bares, peluquerias, quen merca cds, pen drive, mp3, discotecas, etc,. etc..

  2. Adycto dí:

    e simplemente unha necesidade de adaptarse aos novos tempos. Hai industrias (música, cine, etc) que tratan de seguir mantendo os seus beneficios con estructuras comerciais do século pasado, sen adaptarse aos novos tempos (e tecnoloxías)...nada mais. Teñen que recapacitar....

  3. Adycto dí:

    e simplemente unha necesidade de adaptarse aos novos tempos. Hai industrias (música, cine, etc) que tratan de seguir mantendo os seus beneficios con estructuras comerciais do século pasado, sen adaptarse aos novos tempos (e tecnoloxías)...nada mais. Teñen que recapacitar....

  4. Victoria De Andrade dí:

    Adycto, ¿para cando a túa opinión sobre a fusión das caixas galegas?
    ¿Que te parece a postura de Feijóo (!for President!)?

  5. Adycto dí:

    q tal Victoria, canto tempo sen saber de ti....a fusión das caixas seguro que será tema de debate en Xornal Aberto pero case que vou a esperar a que decidan que facer para logo posicionarme, que sempre é máis cómodo....

Conversando

Con tecnoloxía de Blogger.

Arquivo Xornal Aberto

Busca no Blog

- Copyright © Xornal Aberto -Metrominimalist- Powered by Blogger - Designed by Johanes Djogan -