Escribo estas breves liñas só para felicitar á Igrexa Católica polo seu excelente xeito de facer política, da que moitos deberían aprender. Tras as reunións mantidas onte polo número dous da Igrexa, o señor Bertone, coa plana maior do Estado español e despois de que o presidente do goberno saise á palestra dicindo que se abría un nova etapa de relacións entre España e o Vaticano hoxe o cardenal Bertone sacou a artillería pesada. Acompañado por Rouco Varela, deu unha rolda de prensa na que, sen citar a España directamente, mostraba o rexeitamento da Igrexa Católica a todas e cada unha das iniciativas laicistas postas en marcha polo goberno, incluído o matrimonio entre homesexuais e a asignatura de Educación para a Cidadanía. É dicir, Bertone deulle caña a ZP. Para esto, señor Zapatero, mellor sería que onte, en vez de doraralle a pílula ao señor Bertone e parar no Parlamento medidas laicistas para que non coincidisen coa visita, lle tivera metido algo de caña. Xa me dirá vostede como pretende abrir esa nova vía de diálogo co Vaticano.

Se levan máis de 2000 anos neste negocio por algo será. Menudo golazo que lle marcaron señor presidente!