Seguindo coa costume de non realizar inauguracións de nada, por aquelo do que dirán estando case que en campaña, o vicepresidente da Xunta, o señor Anxo Quintana (Quin para os amigos), "visitou" esta mesma mañán ás obras do Centro de Día e da Galescola da localidade de Culleredo. Durante a "visita", Quin falou do ben que o está a facer o goberno no tema das galescolas e os centros de día pero sen ser nada electoralista. De feito, se ledes a nota de prensa, podedes darvos de conta perfectamente de que non hai intención electoralista por ningún lado, tan só existe o interese por facer as cousas ben e porque os galegos e galegas desfrutemos dunha vida mellor e máis agradable, independentemente de onde residamos. Pola súa banda, o presidente da Xunta, o señor Emilio Pérez Touriño (Smallbull para os amigos), inaugurou, este si, o CICLOTRÓN, o primeiro acelerador de partículas radioactivas de España financiado e explotado pola sanidade pública e que servirá para mellorar o diagnóstico de cancro en Galiza. Diranme que é un laboratorio ben grande pero a verdade, con ese nome, poderíanme dicir que era a primeira nave galega que iría ao espacio exterior que tamén o crería. Se ledes a nota de prensa difundida pola Xunta ao respecto veredes que utiliza a palabra inauguración porque, polo momento, aínda non estamos en campaña e todavía podemos inaugurar. Quin parece un pouco máis preocupado polo tema da imaxe e só visita pero o presi inaugura, que aínda pode. Por certo, a imaxe que ilustra este post saqueina de http://www.tecnomaps.com/. e, a verdade, pouco ten que ver co que estou contando pero gustiome moito cando a vin.