31 de xullo de 2007
As festas na capital de Galiza van tirando cara ao seu fin. A pesares de que aínda quedará para o sábado o multitudinario concerto de Alejandro Sanz (acompañado de Shakira) xa comeza a notarse que as festas van rematando. Hoxe temos un día cargado de programación festeira no que, ademais dos pasarúas e da enésima actuación da París de Noia na Alameda con motivo do Apóstolo, contaremos cunha espectacular e moi recomendable actuación: "Dios Salve a la Reina" ás 22:00 horas na Quintana. Este grupo, que recrea os concertos que a banda británica Queen facía por todo o mundo, formouse en 1998 en Rosario, Arxentina. Os seus compoñentes, Pablo Padín, Francisco Galgaro, Matías Albornoz e Ezequiel Tibaldo, aterrizan esta noite en Compostela para realizar un tributo a Queen. O YouTube, ese máxico invento, permítenos ver un adianto do que fan estes rapaces...
Publicar un comentario