11 de xuño de 2007
Cada vez máis, as cadeas de televisión conclúen os seus informativos con estranos estudos sociolóxicos ou investigacións raras que sempre ofrecen resultados sorprendentes. Os xornais e as radios tamén cubren estas informacións e, ao remate do día, todos sabemos que unha monxas dun convento non sei onde están a facer un experimento alimenticio bebendo cervexa todos os días e que, segundo a Universidade de Wichita Esteit, a perda de cabelo nas mulleres é sintoma dunha vida plea. Seguindo esta moda dos estudos raros, Xornal Aberto leva hoxe á portada unha información asinada por Sara Carreira para a Voz na que afirma que un estudo destes vencella o peso ao nacer co éxito na vida ou nos estudos. Segundo esta investigación, levada a cabo pola Universidade de Michigan, pesar menos de 2,5 quilos ao nacer aumenta nun 33% as posibilidades de abandonar a escola secundaria, reduce as ganancias anuais preto dun 15% e empeora a saúde das persoas de entre 30 e 40 anos. Pois nada, todos a preguntarlle aos pais canto pesamos ao nacer e, partindo dese dato, xa saberemos se nos vai a ir ben ou mal. Para que facer nada se o noso destino o marca o noso peso ao nacer?
Publicar un comentario