23 de abril de 2007
Cando un está vago fai posts como este. Hoxe é luns e estou vago. En Francia fixeron onte a primeira volta das súas eleccións (a segunda será o 6 de maio) e resultou vencedor o liberal Sarkozy, quedando como a súa opoñente para a segunda volta a socialista Ségolène Royal. Le Pen, pola súa banda, fracasou estrepitosamente e iso é algo do que todo o mundo se ten que aledar. En outro orden de cousas, o Papa Ratzinger resucitou o inferno ao anunciar que "o inferno, do que se fala pouco neste tempo, existe e é eterno" e, en España, a Audiencia Nacional absolveu aos 18 acusados polo caso do fraude do lino, que tantas portadas deulle ao Pravda. Hoxe ademais é San Xurxo (felicidades mr. danger) e polo tanto estou na obriga de recomendaros que leades un pouco (no vale con leer este blog) acordándome dunha fermosa campaña de fomento da lectura que emitía hai xa uns anos o mítico programa "La bola de Cristal". Fáltalle o final pero seguro que os acordades todos del, non si?
Publicar un comentario