4 de setembro de 2006
A pesares de que hai moitos temas dos que falar estes días en Galiza, como por exemplo o do verquido no Umia, desde Xornalaberto apetecíanos facer unha nova divertida (e por suposto veraz) para tratar de provocar, nos nosos queridos lectores, un xesto de ledicia entre tanta desolación. O diario tecnolóxico Código Cero, que aparece entre os medios de comunicación elexidos por Xornalaberto, recolle a nova que da lugar a este post: unha páxina web permite alugar os servizos de sacerdotes católicos rexeitados pola Igrexa.A páxina xa nos anuncia, na súa cabeceira, os servizos que podemos atopar nela: "reciba cristianos sacramentos de sacerdotes católicos casados". Os servizos de vodas hai que pagalos pero, parece ser, que ofertan de balde outros servizos como extremauncións, bautizos e funerais. O problema é que, en Galiza, non podemos contar cos seus servizos xa que, polo de agora, só "traballan" en Canadá, India, Malta, Alemaña, Porto Rico, Estados Unidos e PORTUGAL. Para os que non atopen cura para celebrar a súa voda o de ir a Portugal pode ser unha opción....Visitade a páxina e pasarédelo moi ben, teñen unhas páxinas amarelas propias chamadas "God´s yelow pages", un número de teléfono para facer donacións e moitas cousas máis. Intenet pode ser tamén a solución para o problema da falta de vocacións dos sacerdotes, se non tes o cura que precisas podes alugalo.
Publicar un comentario