Mentres miles de economistas, políticos, analistas e especialistas de todos os campos do coñecemento andaban buscando as orixes da actual crise económica que estamos a vivir en todo o mundo, nos tiñamos a solución a todas as súas preguntas no nosos país e non dos dimos de conta. Resulta que o cardeal arcebispo de Madrid, o ínclito Rouco Varela, sabía cal era a orixe de todo pero, coa súa provervial humildade (propia da maior parte da curia eclesiástica), preferiu calar para non dar que falar. Pois nada, segredo desevelado. A recesión principalmente desencadeouse por cuestións «ético-morais e espirituais». Non é polo capitalismo, nin polo afán de gañar a calquera precio, pola falta de solidaridade do sistema ou por unha mala elección do modelo.Non, as causas que máis incidiron na crise económica actual teñen que ver coa conciencia e o «uso da liberdade»; en definitiva, co exercicio «insobornable» da responsabilidade persoal e colectiva. A verdade é que parece a mensaxe de sempre da Igrexa. O mal uso da liberdade. O que noutros tempos chamaban "libertinaxe" ou "libre albedrío", neste caso como culpable da crise económica. Pero non creades que é o mesmo de sempre. Non, neste caso houbo un análise sesudo e pormenorizado da cuestión por parte dunha mente preclara do mundo financieiro: o señor Rouco.

PD: A imaxe saqueina do blog Salud, Rebeldía y Cerveza Fría.