Sabedes que non son moito de andar a difundir todos eses correos que de cando en vez ateigan o noso mail e que, na maioría dos casos, son unha auténtica "parida" (non como as de Mejuto) enviada por alguén da túa lista de contactos. Eu, de feito, teño a moitos dos meus mellores amigos bloqueados no correo porque, de tanto mandarme videos e montaxes fotográficas absurdas en infinidade de ocasións, decidín que calquera dos seus mails que veñan no asunto precedidos da malfita "FW" é mellor non abrilos siquera. Aínda así, de cando en vez, alguén ensínache un deses correos que merecen a pena. O que deu lugar a este post non ten desperdicio. Chegou a min a través dunha compañeira de traballo da miña moza e leva o suxerente título de Notas Parroquiais. Nel agóchanse pequenas xoias literarias que, de seguro, os seus autores non querían que foran tales. Están todas en castelán e son auténticas. De verdade que non ten prezo. Xa me contaredes. A irreverente e divertida montaxe fotográfica non é miña pero déixovos o lugar de onde está collida.