27 de abril de 2006
O Grupo Popular no Senado conseguíu anoite darlle a volta ao proxecto de lei de reproducción asistida ao prosperar as súas enmendas na votación do pleno, debido á ausencia de senadores socialistas e doutros grupos. A votación coincidíu coa retransmisión do partido de fútbol que enfrentou ao Barcelona co Milan nas semifinais da Liga de Campeóns. O Grupo Socialista negou que os seus oito senadores se ausentaran polo partido e asegura que seis deles tiñan xustificada a ausencia.Para completar a faena, hai que dicir que, segundo o PSOE, foron ¡¡¡23!!! as ausencias á votación: 8 do Psoe, 6 do PP, 4 da Entesa catalana, 3 do PNV, 1 de CC e outro do Grupo Mixto (do PCE creo). Por certo, un dos que faltou foi o ex-acalde da cidade de A Coruña, Paco Vázquez, que recordemos que é senador só para poder ter condición de aforado.
Para completar esta información vouvos lembrar que, un senador calquera cobra ao mes COMO MÍNIMO: 2.918€ + 1.701 para aloxamento e manutención + 93€ para gastos de telefonía +45€ para gastos de "comunicaciones informáticas + 120€/día de dietas por desplazamentos dentro de España + un número determinado de pasaxes de avión ao mes para desplazarse ata a súa residencia+ equipamento informático +....¿sigo?.
É realmente impresionante, sexa cal sexa o lugar onde se atopaban os distintos senadores ausentes no momento da votación, que as dúas Cámaras dun país que se considera avanzado e democrático sufran, ano tras ano, as ausencias reiteradas dos representates populares nas súas sesións. Creo que non hai nada máis que dicir ao respecto.
Publicar un comentario